Məntiq və düzgün arqumentasiya
Verdiyimiz bütün qərarlar, apardığımız bütün müzakirələr məntiq əsaslıdır. Ən azından özümüzə məntiqli görünənləri seçir, inanır və o cür də davranırıq. Məktəbdə bizə həndəsi fiqurlar arasındakı bənzərliyi və ya fərqliliyi tapmaqla riyazi məntiq öyrədilir, amma heç kim bizi gündəlik həyatda qarşımıza çıxan məntiqsizliyə qarşı hazırlamır. Fəlsəfənin də əsas hissəsi olan məntiq, bizə doğrunu yanlışdan ayırmağa və fikirlərimizi sistemli şəkildə qurmağa, ifadə etməyə kömək edir.